കാസര്കോട് ഉദുമയിലാണ് സംഭവം
കാസര്കോട്: ഉദുമയില് യുഡിഎഫ് ചീഫ് ഏജന്റ് പിടിയില്. ക്യാമറ ഘടിപ്പിച്ച കണ്ണട ധരിച്ച് ബൂത്തിനുളളില് കയറിയതിനാണ് യുഡിഎഫ് ഏജന്റ് അഡ്വ. ബി എം ജമാലിനെ ഇലക്ഷന് സ്ക്വാഡ് കസ്റ്റഡിയിലെടുത്തത്. യുഡിഎഫ് സ്ഥാനാര്ത്ഥി കെ നീലകണ്ഠന്റെ ചീഫ് ഏജന്റ് ആണ് അഡ്വ. ബി എം ജമാല്. ബേക്കല് ഇസ്ലാമിയ എല്പി സ്കൂളിലെ 144 നമ്പര് ബൂത്തില് നിന്നാണ് ജമാലിനെ കസ്റ്റഡിയിലെടുത്തത്. എന്തിനാണ് ക്യാമറ ഘടിപ്പിച്ച കണ്ണട ധരിച്ച് ബൂത്തിനകത്തേക്ക് കയറിയത് എന്നത് വ്യക്തമല്ല. കണ്ണട കസ്റ്റഡിയിലെടുത്ത ശേഷം ബി എം ജമാലിനെ വിട്ടയച്ചു.
