പയ്യോളി സ്വദേശിയായ ലോറി ഡ്രൈവറെ ലോറിയുടെ ക്യാബിനിനുള്ളില് മരിച്ച നിലയിൽ കണ്ടെത്തി. ഐ.പി.സി റോഡില് കറ്റേരി പാലത്തിന് സമീപം സമീര് ആണ് മരിച്ചത്
ഇന്നലെ വൈകുന്നേരം 4.45 ഓടെയായിരുന്നു സംഭവം. എറണാകുളം പിറവത്ത് ലോറിക്കുള്ളില് സമീറിനെ മരിച്ച നിലയില് കണ്ടെത്തിയതായി ബന്ധുക്കള്ക്കും പയ്യോളി പൊലീസിനും വിവരം ലഭിക്കുകയായിരുന്നു. ഇതേത്തുടര്ന്ന് ബന്ധുക്കള് എറണാകുളത്തേക്ക് തിരിച്ചു.
മായേരി കെ.സി.ഖാദറിന്റെയും സുബൈദയുടെയും മകനാണ്. ഭാര്യ: മിന്ഹാസ്. മക്കള്: സഫ് വാന്, സൈഫ, സമീര്. ഖബറടക്കം എറണാകുളം മൂവാറ്റുപുഴ ഗവണ്മെന്റ് ആശുപത്രിയില് പോസ്റ്റുമോര്ട്ടത്തിനുശേഷം അയനിക്കാട് പള്ളി ഖബറിടത്തില് നടക്കും.
