സാമൂഹ്യക്ഷേമ പെൻഷൻ വിതരണം തടഞ്ഞ് വെച്ചു എന്നാരോപിച്ച് ഡി വൈ എഫ് ഐ നടുവണ്ണൂർ പഞ്ചായത്ത് കമ്മറ്റിയാണ് മാർച്ച് സംഘടിപ്പിക്കുന്നത്.
നടുവണ്ണൂർ: സാമൂഹ്യക്ഷേമ പെൻഷൻ വിതരണം ചെയ്യാത്ത നടുവണ്ണൂർ റിജിനൽ കോ - ഓപ്പറേറ്റീവ് ബാങ്കിന്റെ നടപടിക്കെതിരെ നാളെ ഡി വൈ എഫ് ഐ പ്രതിഷേധ മാർച്ച് സംഘടിപ്പിക്കുന്നു.
'മാർച്ച് മാസം അവസാനം
തന്നെ ഒരാൾക്ക് 2000 രൂപ വച്ച് രണ്ട് മാസത്തെ പെൻഷൻ (4000 രൂപ) വിതരണത്തിനായി ബാങ്കുകളിലെത്തിയിട്ടുണ്ട്. പല ബാങ്കുകളും പെൻഷൻ വിതരണം ചെയ്ത് കഴിഞ്ഞു. തെരഞ്ഞടുപ്പ് മുന്നിൽ കണ്ട് കൊണ്ടാണ് നടുവണ്ണൂരിലെ കോൺഗ്രസ് ഭരിക്കുന്ന റീജിനൽ ബാങ്കിന്റെ ഈ "പെൻഷൻ പിടിച്ചു വെക്കൽ നടപടി." ജനകീയ ഇടപെടൽ നടത്തുന്ന ഇടതുപക്ഷ സർക്കാരിനെ കരിവാരി തേക്കുന്നതും ക്ഷേമ പെൻഷൻ കാത്ത് നിൽക്കുന്ന വയോജനങ്ങളോടുള്ള വെല്ലുവിളിയുമാണിത് ' എന്നും ഡി വൈ എഫ് ഐ ആരോപിച്ചു.
ക്ഷേമ പെൻഷൻ വിതരണം ചെയ്യാതെ പിടിച്ച് വെച്ച നടുവണ്ണൂർ റീജിനൽ ബേങ്കിന്റെ നടപടിക്കെതിരെ
ഏപ്രിൽ 4 രാവിലെ 10മണിക്ക് ഡി വൈ എഫ് ഐ നാളെ പ്രതിഷേധ മാർച്ച് നടത്തുമെന്ന് നടുവണ്ണൂർ പഞ്ചായത്ത് കമ്മറ്റി ഭാരവാഹികൾ അറിയിച്ചു.
